बिडकीन पोलीस ठाणे हद्दीत ‘चक्री’चा सुळसुळाट? लाखोंच्या हप्त्याची चर्चा; API निलेश शेळके यांच्या भूमिकेवर प्रश्नचिन्ह
छत्रपती संभाजीनगर | प्रतिनिधी छत्रपती संभाजीनगर जिल्ह्यातील बिडकीन पोलीस ठाण्याच्या हद्दीत चक्री जुगाराचा व्यवसाय पुन्हा सुरू असल्याच्या चर्चा परिसरात रंगू लागल्या आहेत. या अवैध धंद्यांवर पोलिसांचा अंकुश आहे की त्यांना अप्रत्यक्ष संरक्षण मिळत आहे, असा सवाल नागरिकांकडून उपस्थित केला जात आहे.
विशेष म्हणजे, या अवैध धंद्यांच्या माध्यमातून दरमहा मोठ्या प्रमाणात आर्थिक उलाढाल होत असल्याची चर्चा असून, ‘लाखो रुपयांचा हप्ता कोणाला जातो?’ असा प्रश्नही उपस्थित होत आहे. या संदर्भात बिडकीन पोलीस ठाण्याचे API निलेश शेळके यांच्या भूमिकेबाबतही संशय व्यक्त केला जात आहे.
मात्र, निलेश शेळके यांना प्रत्यक्षात लाखो रुपयांचा हप्ता मिळतो, या आरोपाची स्वतंत्र अधिकृत पुष्टी अद्याप झालेली नाही. त्यामुळे या प्रकरणाची वरिष्ठ पोलीस अधिकाऱ्यांनी निष्पक्ष चौकशी करून सत्य बाहेर आणावे, अशी मागणी नागरिकांकडून होत आहे.
बिडकीन परिसरात चक्री, मटका आणि जुगारासारख्या अवैध धंद्यांबाबत यापूर्वीही बातम्या प्रसिद्ध झाल्या आहेत.
त्यामुळे सध्या सुरू असल्याचे सांगितले जाणारे चक्रीचे अड्डे नेमके कुठे आहेत? त्यांच्यावर कारवाई का होत नाही? या अवैध धंद्यांमागे कोणाचे पाठबळ आहे? आणि ‘हप्ता’ प्रकरणात नेमके तथ्य काय आहे? याची चौकशी होणे गरजेचे आहे.
या आरोपांबाबत API निलेश शेळके किंवा संबंधित वरिष्ठ पोलीस अधिकाऱ्यांची अधिकृत प्रतिक्रिया उपलब्ध झाल्यास तीही बातमीत समाविष्ट करण्यात येईल.
.jpg)
