जळगाव - येवला तालुक्यात हिंगोणाजवळ बऱ्हाणपूर-अंकलेश्वर महामार्गावर डंपर आणि क्रुझर यांच्यात भीषण अपघात झाला. या अपघातात 10 जण ठार झाले असून 7 जण जखमी झाल्याची प्राथमिक माहिती मिळते.
मिळालेल्या माहितीनुसार, येवला तालुक्यात हिंगोणाजवळ बऱ्हाणपूर-अंकलेश्वर महामार्गावर रविवारी मध्यरात्री डंपर आणि क्रुझर यांच्यात भीषण अपघात झाला. या अपघातात क्रुझरमधील 10 प्रवाशांचा मृत्यू झाला, तर 7 जण जखमी झाले आहेत.
प्रभाबाई प्रभाकर चौधरी (45), सोनाली जितेंद्र चौधरी (35) सोनल सचिन महाजन (37), गंगाबाई ज्ञानेश्वर चौधरी (35) उमेश चौधरी (28) प्रभाकर नारायण चौधरी (63) प्रिया जितेंद्र चौधरी (10) प्रियंका नितीन चौधरी (25) सुमनबाई श्रीराम पाटील (60) संगीता मुकेश पाटील (33) अशी अपघातात ठार झालेल्या व्यक्तींची नावे आहेत. तर, सर्वेश नितीन चौधरी, शंतनू मुकेश पाटील, अंवी नितीन चौधरी, मीना प्रफुल्ल चौधरी, सुनिता राजाराम चौधरी, आदिती मुकेश पाटील आणि शिवम प्रभाकर चौधरी हे जखमी झाले आहेत.
दरम्यान, या अपघाताची माहिती समजताच घटनास्थळी पोलीस आणि बचाव पथक दाखल झाले. जखमींना ग्रामीण रुग्णालयात दाखल करण्यात आले.
