श्री क्षेत्र चोंढाळा येथील ऐतिहासिक ' बारव ' ला ऑस्ट्रेलिया व इटली देशातील पर्यटकांची भेट
विहामांडवा,(किशोर धायकर पैठण प्रतिनिधी) : जवळील श्री क्षेत्र चोंडाळा येथील दगडी बांधकाम केलेल्या पौराणिक व ऐतिहासिक बारवेला शुक्रवार रोजी ऑस्ट्रेलिया व इटली देशातील पर्यटकांनी भेट दिली.आज शुक्रवार रोजी ऑस्ट्रेलिया येथील व्यवसायाने शिक्षिका असलेल्या शेरी डेव्हीस मॅडम, व इटली येथील ,व्यवसायाने इंजिनियर असलेले एन्झो अरडेली सर , या पर्यटकांनी चोंडाळा येथील पौराणीक दगडी बांधकाम केलेल्या ऐतिहासिक बारवेला भेट दिली.
यावेळी झुंजार झेप न्यूज चॅनल ला दिलेल्या मुलाखतीत त्यांनी सांगितले की अप्रतिम बांधकाम असलेली हि बारव आहे या बारवचे संवर्धन करून जतन करायला हवे तसेच यावेळी त्यांनी या पौरानीक बारवचे निरीक्षण केल्यानंतर बारवेच्या ठिकठिकाणी जागेवर काटेरी झुडूप व गवत आढळल्याने त्यांनी अशी खंत व्यक्त केली की या ऐतिहासिक ठेव्याची योग्य ती निगा राखून व संवर्धन करून जतन करायला हवे तसेच ही बारव पाण्याने काठोकाठ भरलेली असूनही कोणताही उपयोग या पाण्याचा होत नसल्यानेआश्चर्य व्यक्त केले तसेच तुमच्या पूर्वजानी खूप दूरदर्शी पणा पाहून व मेहनत घेऊन ही बारव बांधण्यात आल्याचे बांधकाम बघूनच समजते परंतु तुमच्या अलीकडच्या पिढीला साधी साफसफाई न करता येत असल्याने खंत व्यक्त केली यावेळी त्यांच्या सोबत आलेले गाईड आकाश ढोमणे विहामांडवा येथील पत्रकार विक्रम थोटे, प्रशांत नरके ,पत्रकार शब्बीर शेख, व्यापारी महासंघाचे अध्यक्ष राजेंद्र पन्हाळकर, बाप्पा येळे,ओम जोडणार, अदी लोकांची उपस्थीती होती.
