पुन्हा एकदा बॉम्बनं उडवून देण्याची धमकी देणारा फोन मुंबई पोलिसांच्या कंट्रोल रूममध्ये
मुंबई,दि.08: पुन्हा एकदा बॉम्बनं उडवून देण्याची धमकी देणारा फोन मुंबई पोलिसांच्या कंट्रोल रूममध्ये पुन्हा एकदा खणाणला आहे. पुढच्या दोनच महिन्यांत मुंबईत 1993 सारखे स्फोट होणार, अशी धमकी देणारा फोन मुंबई पोलिसांच्या कंट्रोल रूमला आला आहे. तसेच, मुंबईतील गजबजलेली ठिकाणं म्हणजेच, माहीम, भेंडी बाजार, नागपाडामध्ये बॉम्बस्फोट होण्याचा दावा या फोनवर करण्यात आला आहे. महत्त्वाची बाब म्हणजे, बॉम्बस्फोट घडवण्यामागे एका काँग्रेस आमदाराचा हात असल्याचंही या फोनवर सांगण्यात आलं आहे. दरम्यान, मुंबई एटीएसनं हा फोन ज्या व्यक्तीनं केलाय त्या व्यक्तीला ताब्यात घेतलं आहे. याप्रकरणी सखोल चौकशी सुरू आहे.
