⟩ कोणाच्याही दबावाला बळी न पडता निर्भीडपणे संजोग वाघेरे पाटलांच्या मागे उभे रहा
⟩ संजोग वाघेरे पाटील यांच्या प्रचारार्थ काळेवाडीत धाराशिवकरांची बैठक
पिंपरी चिंचवड,दि.27: मावळ लोकसभा मतदारसंघाची निवडणूक ही कोणत्याही एका राजकीय पक्षाची दुसर्या राजकीय पक्षाशी राहिलेली नाही. ही लढाई आता निष्ठावंत विरुद्ध गद्दार अशी होणार आहे. निष्ठा ही आमच्या धाराशिवकरांच्या रक्तातच आहे. त्यामुळे मावळची जनताच त्यांना जागा दाखवून देईल. त्यामुळे आगामी निवडणुकीत गद्दारांना त्यांची जागा दाखवून द्या आणि मावळमध्ये महाविकास आघाडीचे उमेदवार संजोग वाघेरे पाटील यांच्या पाठीशी ठामपणे उभे रहावे, असे आवाहन धाराशिव लोकसभेचे खासदार ओमराजे निंबाळकर यांनी पिंपरी चिंचवड शहरातील मराठवाड्यातील नागरिकांना केले.
काळेवाडी येथे शिवसेना (उद्धव बाळासाहेब ठाकरे) पक्ष आणि महाविकास आघाडीचे उमेदवार संजोग वाघेरे पाटील यांच्या प्रचारार्थ धाराशिव फाउंडेशनतर्फे आयोजित आढावा बैठकीत खासदार ओमराजे निंबाळकर बोलत होते. या बैठकीसाठी शिवसेना (उध्दव बाळासाहेब ठाकरे) संघटक एकनाथ पवार, जिल्हाप्रमुख तथा माजी आमदार अॅड. गौतम चाबुकस्वार, उपजिल्हाप्रमुख दस्तगीर मनियार, उपशहरप्रमुख हरेश नखाते, युवराज कोकाटे, धाराशिव फाऊंडेशनचे संदीप शिंदे, सतीश साळुंखे, नरसिंग माने, गणेश पाडुळे, दत्ता गिरी, प्रदीप शिंदे, जनार्धन गिलबिले, राम पाटील, एकनाथ मंजाळ, गणेश वायभट, महादेव बिकट, अमोल राठोड, सागर शिंदे यांच्यासह महाविकास आघाडीचे पदाधिकारी, कार्यकर्ते, तसेच धाराशिव जिल्हा आणि मराठवाड्यातील नागरिक, बंधू-भगिनी मोठ्या संखेने उपस्थित होते.
खासदार ओमराजे निंबाळकर पुढे म्हणाले की, बाळासाहेब ठाकरे यांच्या पक्षावर वाईट नजर टाकणा-यांना धडा शिकविण्यासाठी निष्ठावंत शिवसैनिक आणि महाराष्ट्रातील स्वाभीमानी नागरिक तयार आहेत. या निवडणुकीत आपण सर्व मिळून हे करून दाखविण्याचा निर्धार त्यांनी व्यक्त केला. यासह शिवसेना (उध्दव बाळासाहेब ठाकरे) पक्षाचे उमेदवार संजोग वाघेरे पाटील यांच्या पाठीशी उभा राहून त्यांना लोकसभेत पाठवण्याचा संकल्प त्यांच्यासह मराठवाड्यातील उपस्थित नागरिकांनी केला.
शिवसेना (उद्धव बाळासाहेब ठाकरे) पक्षाचे उमेदवार संजोग वाघेरे पाटील यांनी पिंपरी चिंचवड शहरात मराठवाड्यातील नागरिक मोठ्या संख्येने आहेत. या बैठकीत जनतेचा भरघोस पाठिंबा पाहून आणि लोकसभेत पाठवण्यासाठी ठामपणे पाठीशी राहण्याचा निर्धार व्यक्त केल्याबद्दल सर्वांचे मन:पूर्वक आभार मानले. तसेच मराठवाड्याच्या राजकारणातील अभेद्य जोडी धाराशिवष लोकसभेचे खासदार ओमराजे निंबाळकर व कळंब विधानसभा मतदारसंघाचे आमदार कैलास पाटील यांचा लाखमोलाचा पाठींबा म्हणजेच महाविकास आघाडीचा विजय निश्चित असल्याचेही वाघेरे पाटील यावेळी म्हणाले.या बैठकीचे सूत्रसंचालन गोरख पाटील यांनी केले. तर आभार हरेष नखाते यांनी मानले.
मावळ आणि धाराशिव लोकसभेचा विजयी मेळावा एकत्रित होणार: आमदार कैलास पाटील
या बैठकीला उपस्थित मराठवाड्यातील निष्ठावंत आमदार कैलास पाटील म्हणाले की, मावळकरांनो, कोणाच्याही निर्भीडपणे शिवसेना उद्धव बाळासाहेब ठाकरे पक्षाच्या आणि संजोग वाघेरे पाटलांच्या मागे उभे रहा. यंदाच्या मावळ आणि धाराशिव लोकसभा निवडणुकीतील विजयी मेळावा याच ठिकाणी दोन महिन्यांनंतर एकत्रित घेऊ आणि विजयी गुलाल उधळू, असा विश्वास त्यांनी व्यक्त केला. तसंच, महाविकास आघाडीतील शिवेसना उध्दव बाळासाहेब ठाकरे पक्षाचे उमेदवार संजोग वाघेरे पाटील यांच्या प्रचारार्थ विजयासाठी मराठवाड्यातील जनतेने निष्ठेने काम करावे, असे आवाहनही त्यांनी केले.
