783 नागरिकांच्या तक्रारीच्या जागेवर निवारण आमदार शंकर जगताप यांचा 'आमदार आपल्या दारी'उपक्रमाला उत्स्फूर्त प्रतिसाद
पिंपरी चिंचवड,दि.10: चिंचवड विधानसभा मतदारसंघाचे आमदार शंकर चंद्रभागा पांडुरंग जगताप यांच्या पुढाकाराने थेरगाव येथे राबविण्यात आले "आमदार आपले दारी संवाद सेवा समर्पण" या उपक्रमाला नागरिकांचा उत्स्फूर्त प्रतिसाद मिळाला या उपक्रमात 783 नागरिकांच्या तक्रारच्या जागेवरच निवारण करण्यात आले तर अनेक तक्रारीवर तात्काळ कारवाई सुरू करण्यात आली.
थेरगाव मधील सोनई मंगल कार्यालय येथे गुरुवारी दिनांक 9 ऑक्टोबर रोजी आयोजित या शिबिरात प्रभाग क्रमांक 23 आणि 24 मधील नागरिकांनी मोठ्या संख्येने सहभाग नोंदवला शासन आणि प्रशासन नागरिक सुधारित पोहोचवणे हेच खरे जनसेवेचे उदाहरण आहे असे आमदार जगताप यांनी यावेळी सांगितले.
या उपक्रमात शासकीय योजना दाखले रेशन कार्ड वीज पाणी ड्रेनेज आरोग्य पर्यावरण वाहतूक तसेच महापालिकेशी संबंधित विविध तक्रारीवर तात्काळ निर्णय घेण्यात आला नागरिकांच्या समस्या प्रत्यक्ष ऐकून संबंधित विभागाच्या अधिकाऱ्यांना आमदार जगताप यांनी थेट सूचना दिल्या.
उपक्रमासाठी महापालिका आणि शासकीय विभागांचे वरिष्ठ अधिकारी मोठ्या संख्येने उपस्थित होते. त्यात नायब तहसीलदार मदन जोगदंड, मंडळ अधिकारी विष्णू भोसले, बाबासाहेब साळुंखे, अश्विनी गायकवाड, तलाठी एच.एम. चांदेकर, सचिनानंद माहुनकर, नवनाथ मोरे, साहेबराव थोरात, सुदर्शन पाटील, संजय गांधी निराधार योजनेचे प्रकाश भोंडवे, महावितरणचे कार्यकारी अभियंता मुंडे, वाहतूक शाखेचे पोलीस निरीक्षक मधुकर थोरात, पर्यावरण विभागाचे सोहन निकम, आरोग्य विभागाचे दरवडे, विद्युत विभागाचे शेळके, जलनिस्सारण विभागाचे मोमीन, नगररचना विभागाचे महेश तावरे, पाणीपुरवठा विभागाचे बरिदे, स्थापत्य विभागाचे हेमंत देसाई, बांधकाम परवानगी विभागाचे विजय सोनवणे, ग विभागाचे क्षेत्रीय अधिकारी किशोर ननावर तसेच काळेवाडी पोलीस स्टेशनचे पोलीस निरीक्षक बहिरट आदी अधिकारी उपस्थित होते.
आमदार जगताप यांच्यासोबत नगरसेवक संदीप गाडे नगरसेविका मनिषा पवार अभिषेक बारणे तानाजी बारणे तसेच पक्षाचे कार्यकर्ते व नागरिक मोठ्या संख्येने उपस्थित होते.
या उपक्रमामुळे 783 नागरिकांच्या तक्रारींना प्रत्यक्ष प्रतिसाद मिळाल्याने नागरिकांमध्ये समाधान आणि विश्वासाचे वातावरण निर्माण झाले आहे नागरिकांनी आमदार आपल्या दारी हा उपक्रम खऱ्या अर्थाने जनसेवा आणि प्रशासनातील पारदर्शकतेचे उदाहरण ठरल्याचे समाधान व्यक्त केले.
