काळजाला चटका लावणारी घटना पिंपरी चिंचवडमध्ये घडली आहे. कोरोनाव्हायरसने 24 तासातंच जुळ्या चिमुकल्यांच्या डोक्यावरील मायेचं छत्र हिरावून घेतलं. कोरोनाबाधित आईचा आज मृत्यू झाला.
पिंपरी चिंचवड : जुळ्या बाळांना जन्म दिलेल्या कोरोनाबाधित आईचा मृत्यू झाल्याची धक्कादायक घटना पिंपरी चिंचवड महापालिकेच्या वायसीएम रुग्णालयात घडली आहे. सुदैवाने जुळ्या मुलींची अँटीजेन टेस्ट निगेटिव्ह आलेली आहे.
35 वर्षीय या महिलेच्या प्रसुतीची वेळ जवळ आली होती, त्यातच तिला 4 एप्रिलला त्रास होऊ लागला. तिला वायसीएम रुग्णालयात दाखल करताना ऑक्सिजन लेव्हल खालावली होती. त्यामुळे अँटीजेन चाचणी केली असता ती पॉझिटिव्ह आली. दुसऱ्या दिवशी म्हणजे 5 एप्रिलला ऑपरेशन (सिझेरियन) करुन प्रसुती करण्यात आली आणि तिने जुळ्या गोंडस मुलींना जन्म दिला. पण त्यानंतर आईची प्रकृती खालावत गेली आणि आज सकाळी तिचा दुर्दैवी मृत्यू झाला.
24 तासाच्या आतच जुळ्या चिमुकल्यांच्या डोक्यावरील मायेचं छत्र हरपलं. त्यामुळे सर्वत्र हळहळ व्यक्त केली जात आहे.
.jpeg)
