मुंबई : मुंबई पोलिसांना बुधवारी मोठे यश मिळाले आहे. बुधवारी पाटण्यामध्ये एजाज लकडावाला याला मुंबई पोलिसांनी विमानतळावरून अटक केली आहे. लकडावालाविरोधात खंडणीचे अनेक गुन्हे दाखल आहेत. मुंबई पोलिसांनी एजाज लकडावाला याला अटक करण्यात आल्याची माहिती गुरुवारी दिली.
Gangster Ejaz Lakdawala arrested from Patna by Mumbai Police's anti extortion cell, remanded to police custody till January 21 by Court
105 people are talking about this
पोलिसांनी दिलेल्या माहितीनुसार, एजाज लकडावाला परदेशात राहून भारतात खंडणी वसुलीचे रॅकेट चालवत होता. देशातील काही मोठ्या लोकांना धमकावून त्यांच्याकडून खंडणी वसूल करण्याचे काम त्याच्या टोळीकडून केले जात होते. तो पाटण्यामध्ये येणार असल्याची माहिती मुंबई पोलिसांना मिळाली होती. त्यावर कारवाई करीत त्याला विमानतळावरूनच अटक करण्यात आली.
गुरुवारी त्याला न्यायालयात हजर करण्यात आले. न्यायालयाने त्याला 21 जानेवारीपर्यंत पोलिस कोठडीत ठेवण्याचे आदेश दिले आहेत. मुंबई पोलिसांच्या गुन्हे शाखेने त्याला अटक केली. त्याच्याविरुद्ध आतापर्यंत एकूण 25 गुन्हे दाखल आहेत. कुख्यात गुंड दाऊद इब्राहिम यांचा जवळचा म्हणून एजाज लकडावाला ओळखला जातो.
