मुंबई | राज्यपाल भगतसिंह कोश्यारी यांनी मुख्यमंत्री उद्धव ठाकरे यांनी प्रस्तावित केलेल्या मंत्रीमंडळाच्या खातेवाटपाला मंजूरी दिल्यानंतर महाविकास आघाडीचा खातेवाटप जाहीर झाला आहे. राष्ट्रवादी काँग्रेसचे आमदार जितेंद्र आव्हाड यांच्याकडे गृहनिर्माण खात्याची जबाबदारी सोपवण्यात आली आहे. या पार्श्वभूमीवर आव्हाड यांनी भावूक पोस्ट केली आहे.
लहानपणीचा घरचा पत्ता - चाळीचे नाव श्रीपत भवन, खोली क्रमांक 6, वाडिया स्ट्रीट, ताडदेव. मुंबई.. आणि आज चाळीचा विकास करणार गृहनिर्माण मंत्री पद. ही किमया फक्त आणि फक्त शरद पवार साहेबच करू शकतात, असं ट्विट आव्हाड यांनी केलं आहे.
जितेंद्र आव्हाड यांनी ट्विट करत लहानपणीच्या आठवणींना उजाळा दिला आहे.
लहानपणी मुंबईतील एका चाळीतल्या खोलीत राहणारा मुलगा आज राज्याची गृहनिर्माण खात्याची जबाबदारी सांभाळणार आहे. आव्हाडांचा हा प्रवास सामान्य कार्यकर्त्यांसाठी प्रेरणादायी आहे.
