नवी दिल्ली । आयकर विभागाच्या अधिकाऱ्यांनी गुरुवारी चित्रपट अभिनेत्री रश्मिका मंदानाच्या घपावर छापा टाकला. ती दक्षिणेत सर्वाधिक मानधन घेणारी अभिनेत्री असल्याची अफवा पसरल्यानंतर हा छापा पडला. मात्र, रश्मिका मंदानाने सर्वात महागड्या अभिनेत्री असल्याची अफवा म्हटले आहे. कर्नाटकातील कोडुगु जिल्ह्यातील विराजपेटमध्ये अभिनेत्री रश्मिका मंडन्नाच्या घरावर आयकर अधिकाऱ्यांनी गुरुवारी छापा टाकला. एका वृत्तानुसार, अभिनेत्री रश्मिकाच्या घरी शोध आणि सीझर मोहीम सुरू आहे. अधिकृत छाप्याबद्दल अद्याप कोणतीही प्रतिक्रिया देण्यात आलेली नाही.
बंगळुरुहून प्राप्तिकर अधिकाऱ्यांची टीम सकाळी 7.30 च्या सुमारास त्यांच्या घरी पोहोचली. अहवालानुसार रश्मिका घरात आहे की, नाही याबद्दल काही माहिती नाही. रश्मिका ही दक्षिणची सर्वाधिक मानधन घेणारी अभिनेत्री आहे अशा अफवा नंतर आयकर छापा टाकला. मात्र, याबद्दल जेव्हा तिला विचारले गेले तेव्हा तिने ते नाकारले, "मी सध्या चित्रपटांमध्ये बेबी स्टेप्स घेत आहे आणि मी आतापर्यंत सर्वाधिक कमाई करणारी अभिनेत्री नाही." पिंकविलाला दिलेल्या मुलाखतीत रश्मिका म्हणाली , 'जेव्हा लोक म्हणतात की मी एखाद्या चित्रपटासाठी सर्वाधिक पैसे घेते, तेव्हा मला धक्का बसतो, मला माहित नाही की ही बातमी कशी पसरत आहे. ही बातमी कुठून येत आहे आणि कोठे जात आहे. माझ्याकडे बँकेत पैसे नाही. मी अजून एक नवीन अभिनेत्री आहे.'
रश्मिका पुढे म्हणाली, "जर मला तिथे जायचे असेल तर मला ब्रेकशिवाय सहा वर्षे सतत काम करावे लागेल. मग मी सर्वाधिक मानधन घेणारी अभिनेत्री बनेन. आत्ता मी तिथे अजिबात नाही. "रश्मिका कन्नड चित्रपट किरिक पार्टीसाठी प्रसिद्ध होती आणि नुकतीच महेश बाबूच्या तेलुगु चित्रपट सरलेरू निकेवारूमध्ये दिसली.
