ठाणे - बदलापूर परिसरात असणाऱ्या एमआयडीसीतील कंपनीत आज सकाळी ९ च्या सुमारास जोरदार स्फोट झाला. हा स्फोट इतका भयंकर होता की या दुर्घटनेत एका कामगाराचा मृत्यू झाला तर इतर दोघे जखमी झाले.
एमआयडीसीतील के जे रेमेडिज नावाच्या कंपनीत ही घटना घडली. सकाळच्या सुमारास कंपनीतील ड्रायरचा स्फोट झाला. या स्फोटामुळे काही भागात आग लागली. या आगीवर अग्निशमन दलाकडून नियंत्रण मिळवण्यात आलं असून स्फोटातील जखमींना जवळच्या रुग्णालयात उपचारासाठी हलवण्यात आलं आहे.
