घरात लक्ष्मीपूजनाची तयारी सुरू असतानाच कुटुंबात सुरू झाला अंदाधुंद गोळीबार
अद्यापही गोळीबार का करण्यात आला, याचं कारणं समजू शकलेलं नाही. गोळीबार आणि हत्येच्या घटनेनंतर संपूर्ण परिसरात भीतीचं वातावरण पसरलं आहे.
समस्तीपूर, 15 नोव्हेंबर : शनिवारच्या रात्री सर्व जण दिवाळी साजरी करत होते. एकमेकांना दिपावलीच्या शुभेच्छा देत, आपल्या घरात दिव्यांची आरास करत होते. तर दुसरीकडे बिहारमधील समस्तीपूर येथे काही लोकांनी दिवाळीचा आनंदच, दु:खात बदलला. समस्तीपूरात दहापेक्षा मोठ्या संख्येने आलेल्या टोळीमुळे परिसरात एकच खळबळ माजली.
गोळी लागून मृत्यू झालेल्यांमध्ये 60 वर्षीय एका महिलेचा आणि एका आठ महिन्यांच्या बाळाचा समावेश आहे. तीन महिलांसह पाच लोक जखमी झाले आहेत. गोळीबाराच्या घटनेनंतर, स्थानिकांनी याबाबत पोलिसांना माहिती दिली. पोलिसांकडून पुढील तपास सुरू आहे.
